Cyflwyniad I Niwroamrywiaeth yn y Diwydiannau Creadigol

Am y cwrs

Pa mor dda ydych chi’n deall y cysyniad o “niwroamrywiaeth”? Hoffech chi ddysgu sut i gefnogi a gwerthfawrogi eich cydweithwyr niwroamrywiol yn well? Ydych chi’n awyddus i fod yn rhan o greu diwydiant cyfryngau mwy cynhwysol, amrywiol ac arloesol? Yna dyma’r cwrs cyflwyniad i chi.

Beth fyddwch chi’n ei ddysgu

• • Beth mae niwroamrywiaeth yn ei olygu
  • Pam mae’r iaith rydyn ni’n ei defnyddio yn bwysig
  • Sut i adnabod a chefnogi gwahanol niwroteipiau, o ADHD ac awtistiaeth i ddyslecsia a mwy 
  • Sut olwg sydd ar addasiadau rhesymol yn ymarferol, a’ch cyfrifoldebau cyfreithiol o’u cwmpas
  • Sut i adeiladu timau, mannau a systemau sy’n gadael i bob math o ymennydd ffynnu

I bwy mae o?

Mae’r cwrs hwn wedi’i gynllunio i roi’r offer i bawb yn y diwydiannau creadigol yng Nghymru (ffilm, teledu, animeiddio, gemau, cerddoriaeth, effeithiau gweledol, cyhoeddi) i greu lle gwell, mwy croesawgar a mwy hygyrch i weithio. Mae’r modiwlau wedi’u cynllunio i fod yn ddefnyddiol i bawb, waeth beth fo’u rôl, cyfnod gyrfa, neu safle. 

Beth alla i ei wneud gyda’r wobr hon?

Ar ôl cwblhau’r cwrs hwn, byddwch yn derbyn tystysgrif swyddogol ardystiedig gan CPD, Cyflwyniad i Niwroamrywiaeth yn y Diwydiannau Creadigol, gan ddangos i gydweithwyr, cyflogwyr, cleientiaid a chynulleidfaoedd eich bod chi a’ch tîm wedi ymrwymo’n wirioneddol i niwro-gynhwysiant.